KATEZ

KATEZ... "Zain" (2017) diskoari Jose Mujica jaunaren hausnarketa politiko interesgarri batek ematen dio hasiera. Mezuaz harago, proposamenaren inguruan hausnartu du Leitza herriko Katez taldeak, eta pauso esanguratsua eman du bere bigarren diskoarekin. Horrelako lanak behar ditu euskal metal alternatiboak. Bitxia bada ere, Gabezia talde gipuzkoarrak Jorge Oteizaren hitzak erabili zituen ere bere bigarren diskoa zabaltzeko. Paralelismo deigarria. Seikote nafarrari dagokionez, metal eta rock alternatiboaren osagai interesgarrienak hartu dituzte. Gordintasuna eta melodia. “Merkantzia” eta “Hegarriz” dira horren eredu. Joerei ez diete bizkarra ematen, eta metalcore zein posthardcore pieza laburra da “Gezurrekin jolasten”. Aldiz, “Legea vs justizia” danbateko deigarriena da. (BERRIA egunkarian, 2017an argitaratutako kritika)